Цочмог эмийн хордлого: Парацетамол ба Опиоид хордлогын өвөрмөц антидот эмчилгээ
1. Парацетамол (Ацетаминофен)-ийн хордлого:
- Эмгэг жам: Хэт өндөр тунгаар уухад хортой метаболит NAPQI ихээр үүсэж элэгний глутатионы нөөцийг шавхан элэгний цочмог үхжил үүсгэнэ.
- Эхний 24 цагт дотор муухайрах, бөөлжихөөс өөр тод шинжгүй байж болох ба 48-72 цагт элэгний дутагдал, шарлалт илэрнэ.
- ӨВӨРМӨЦ АНТИДОТ: N-ацетилцистеин (NAC / N-acetylcysteine).
- Глутатионы нөөцийг нөхөж NAPQI-ийг хоргүйжүүлдэг.
- Хордсоноос хойш 8 цагийн дотор хийхэд элэг гэмтэхээс 100% шахуу хамгаална.
2. Опиоид (Морфин, Героин, Фентанил)-ийн хордлого:
- Эмнэлзүйн сонгодог гурвал шинж:
1. Ухаангүй болох / Ком
2. Амьсгал дарангуйлагдах (цөөрөх <8-10/мин, зогсох)
3. Зүүний сүв шиг жижгэрсэн хүүхэн хараа (Pinpoint pupils).
- ӨВӨРМӨЦ АНТИДОТ: Налоксон (Naloxone).
- Тун: 0.4-2 мг судсаар эсвэл хамарт цацах. 2-3 минутад амьсгал сэргэх бөгөөд налоксоны үйлчлэх хугацаа богино тул давтан тарих шаардлага гардаг.